Татарстанлыларның керемнәре Россия буенча уртачадан түбән булып чыкты

2025 елның өченче кварталында Татарстан халкының җан башына уртача кереме аена 66,7 мең сум тәшкил итте. Бу күрсәткеч республикага гомумроссия рейтингында 12 нче урынны алырга мөмкинлек бирде. Әмма бу ил буенча уртача 73 мең сумнан түбәнрәк.

Рейтингта күбесенчә Ненец, Ямал-Ненец һәм Чукотка автоном округлары кебек төньяк төбәкләр алда бара, анда югары хезмәт хаклары җитештерү сәнәгате белән бәйле. Керемнәрнең кулланучылар кәрзине бәясенә иң отышлы нисбәте булган төбәкләр унлыгына шулай ук Мәскәү, Санкт-Петербург һәм донор өлкәләр кергән.

Россия буенча уртача керемнәр бер ел эчендә реаль чагылышта 6,3% ка үскән. Рейтинг ахырында Ингушетия, Тыва һәм Карачаево-Чиркесия булды, дип хәбәр итә РИА «Новости».

Исегезгә төшерәбез, Казан предприятиеләрендә уртача хезмәт хакы 105 мең сумнан артып китте. Керемнәрнең номиналь үсеше 18,2% тәшкил итә.