Татарстаннан «Миссис Россия Planet-2020» сәхнәдә иң зур хыялын тормышка ашырган

Татарстаннан I Вице-миссис Татарстан-2020″ һәм «Миссис Россия Planet-2020» титуллары иясе Роза Булатова сәхнәдә үзенең иң зур хыялын тормышка ашырган. Монда аңа матурлык бәйгеләре булышкан.
Конкурста катнашу сәбәпле, биергә өйрәндем, дип сөйли Роза Булатова. Ике кыз тәрбияләүче әни кеше өчен — бу аеруча әһәмиятле күнекмә, ди ул. 
«Кызлар әниләренең яңа күнекмәләр алуын, хыялын тормышка ашыруын күреп үсә. Бу — үз-үзең алдында җитди сынау. Мондый конкурсларда катнашкан һәр хатын-кыз — ул инде җиңүче», — дип сөйләде ул. 
Роза Булатова 10 ел телевидениедә эшләгән. Хәзер аңа 39 яшь. Декрет ялы вакытында ул социаль психолог һөнәрен үзләштергән һәм хәзер хатын-кызлар өчен тренинглар үткәрә.