Татарстанның Алабуга районында Кама аша боз кичүе яңадан эшли башлады

Кичәге көннән башлап Татарстанның Алабуга районында Кама аша Покровское авылы — Красный Ключ бистәсе маршруты буенча боз аша чыгу урыны үз эшен башлады. Бу хакта ТР Транспорт һәм юл хуҗалыгы министрлыгының матбугат хезмәте хәбәр итә. 

Кичү тәүлек әйләнәсе эшли. Автотранспортның рөхсәт ителгән авырлыгы 3,5 тоннага кадәр. Гадәттән тыш хәлләр килеп чыккан очракта ашыгыч чакырулар хезмәтенә мөрәҗәгать итәргә — 112.