Татьяна Ларионова: ун ел элек без проблемалар турында сөйләшә идек, бүген — тормыш сыйфаты турында

Күңелле һәм дәртле булды: артистлар кунакларны биюләре, җырлары белән сөендерделәр, катнашырга теләүчеләр өчен төрде уеннар оештырылды.

«Бердәм Россия» партиясенең Алабуга җирле бүлеге секретаре Рөстәм Нуриев соңгы биш елда Алабуга районында Татарстан рәисе һәм Россия Президенты Владимир Путин ярдәме белән башкарылган эшләр турында сөйләде. Бу МХОда катнашучыларга һәм аларның гаиләләренә ярдәм итү, күп санлы ишегалларын, скверларны һәм паркларны тулысынча яңарту, юлларны һәм тротуарларны, ипподромны масштаблы ремонтлау, яңа җәмәгать киңлекләре — шул исәптән шәһәр пляжын төзү һәм ремонтлау, сәламәтлек саклау объектларын төзү һәм ремонтлау, мәктәпләрне һәм балалар бакчаларын ремонтлау, спорт инфраструктурасын үстерү, авылда реновация, районга яшь медицина хезмәткәрләрен һәм педагогларны җәлеп итү.

РФ Дәүләт Думасы депутаты Татьяна Ларионова алабугалылар белән яңа очрашуга зур шатлык белдерде. «Мин безнең сүзлек запасы да ничек үзгәргәнен күрдем. Ун ел элек без кризис, проблемалар, тормыш дәрәҗәсе түбән дип сөйләшә идек. Хәзер без тормыш сыйфаты һәм тирә-ягыбызның матурлануы турында сөйлибез. Без бүген башка юллардан йөрибез. Ә сезнең пляж минем өчен республикада иң яраткан өч иҗтимагый киңлекнең берсенә әверелде инде».

Республика активы вәкиле Рөстәм Заһидуллин билгеләп үткәнчә, катлаулы геосәяси вәзгыятькә, гаять зур санкцияләр басымына, глобаль чакыруларга карамастан, безнең ил һәм республика үсешен дәвам итә: «Бүген Татарстан турында бөтен дөнья белә. Ул халыкара сәяси, мәдәни һәм спорт чаралары өчен лаеклы мәйданчык булды. Бездә бик күп федераль һәм республика программалары гамәлгә ашырыла. Алар барысы да сезнең белән безнең тормыш сыйфатын яхшыртуга юнәлдерелгән».

Шунысы мөһим, «Безнең ишегалды» программасының төп этәргеч көче йортларда яшәүчеләр үзләре булды — проектлауда катнашкан, күршеләрен җыйган, проектлаучылар белән эшләгән битараф булмаган гражданнар. Рөстәм Миңнеханов 15 активистка шәхси рәхмәт сүзләрен җиткерде.

Галина Калашникова алабугалылар исеменнән күрсәткән ышанычлары һәм ярдәмнәре өчен рәхмәт белдерде. «Мондый искиткеч программалар һәм безнең республикада барган барлык эшләр өчен рәхмәт. Бер атна элек миндә башка илдән кунаклар бар иде, алар биш ел Алабугада һәм гомумән Россиядә булмаганнар. Мин аларга шундый горурлык белән барысын да күрсәттем! Алар барысы да никадәр үзгәргәненә шаккаттылар».

Аннары тамашачылар алдында «ABIEM Project» этно-фолк-ансамбле һәм шәһәр Мәдәният Сараеның «Красная гвоздика», «Сөембикә», «Инвожо», «Забавушка», «Ак каз» халык коллективлары чыгыш ясады. Сабир Өметбаев исемендәге Минзәлә татар дәүләт драма театры артистлары Т. Тукай әсәре буенча куелган «И, туган тел» әдәби-шигъри спектаклен күрсәттеләр.