«Татмедиа» АҖ журнал һәм газеталарга очсыз бәядән язылырга тәкъдим итә

6 декабрьдән башлап, Россия почтасы бүлекчәләрендә 2022 елның беренче яртыеллыгына ташламалы язылу декадасы башланды.

«Татмедиа» газета-журналларына ункөнлек чорында 13% ташлама белән язылырга мөмкин. Ташламалы язылу декадасының инициаторы — «Россия Почтасы» акционерлык җәмгыяте. 

«Татмедиа» укучыларга популяр «Сөембикә», «Идел», «Сәхнә» журналларына, «Казан» журналына, «Казанские ведомости» газетасына, «Татарстан» журналына, шулай ук район басмаларына язылырга тәкъдим итә. «Салават күпере», «Сабантуй», «Ялкын», "Көмеш кыңгырау"татар балалар басмаларына да махсус бәядән язылырга мөмкин.

Газета-журналларга илнең барлык почта бүлекчәләрендә язылырга була. Шулай ук tatmedia.ru/podpiska сайтында өйдән чыкмыйча гына онлайн-язылудан да файдаланырга мөмкин.

Ташламалы язылу декадасы 2021 елның 16 декабренә кадәр дәвам итәчәк.