"Татмедиа«ның интернет-аудиториясе 2020 елда 36 процентка һәм 138 миллион укучыга арткан

2020 елда «Татмедиа» холдингы редакцияләре сайтларына керүчеләр саны 138 миллион булган. Сайтларга керүчеләр саны 36 процентка арткан. Бу хакта «Татмедиа» АҖ генераль директоры Шамил Садыйков сөйләде. 

Садыйков сүзләренчә, «Татмедиа» сайтлары Татарстанда караулар буенча иң алдынгы. Бу артуны контент, ягъни эчтәлек сыйфаты яхшыру тәэмин итте. 

Узган елда «Татмедиа» АҖ медиашкола проекты эшләтеп җибәрде, аның барышында холдинг хезмәткәрләре яңа белемнәр туплады. Бу социаль челтәрләргә укучыларның кызыксынуын арттырды.

Бүгенге көндә "Татмедиа"ның социаль челтәрләрдә 350 рәсми аккаунты һәм берләшмәсе бар. Аларга 2,5 миллион кеше язылган. 

Социаль челтәрләрдә барлык газета, журнал һәм электрон матбугат чаралары тәкъдим ителгән.