Татьяна Ларионова: Илнең дәүләт сәясәтендә гаиләнең өстенлеге – иң дөрес карар

Россия Конституциясендә гаилә институты, гаилә кыйммәтләре һәм балалар турында кайгырту мәсьәләләрен ныгыту аерылышуларның артуы һәм туучылар санының кимүе белән көрәштә мөһим адым булып тора. ТР Дәүләт Советы Рәисе урынбасары Татьяна Ларионова “Татар-информ” мәгълүмат агентлыгы белән әнә шундый фикерен уртаклашты.

Ларионова шулай ук илнең Төп законында яшьләр сәясәтен беркетүнең мөһимлеген билгеләп үтте һәм Татарстанда Россиядә беренчеләрдән булып Яшьләр эшләре буенча министрлык булдырылганын искәртте.