Тиешле еллар эшләгән өчен пенсиянең кемнәргә биреләчәген әйттеләр

Тиешле еллар эшләгән өчен пенсия татарстанлыларга кирәкле хезмәт стажы булган очракта гомерлеккә билгеләнергә мөмкин. Аңа кемнәр исәп тота ала? Бу хакта тулырак — «Татар-информ» агентлыгы материалында.

Законда тиешле еллар эшләгән өчен пенсиягә дәгъва кылучыларның берничә категориясе билгеләнгән. Аларга түбәндәгеләр керә:

• федераль дәүләт гражданлык хезмәткәрләре;
• РФ һәм җирле үзидарә субъектларының дәүләт гражданлык хезмәткәрләре;
• хәрбиләр;
• Россия Эчке эшләр министрлыгы, Җәзаларны үтәтү федераль хезмәте, Росгвардия хезмәткәрләре;
• янгын сүндерүчеләр;
• очучы-космонавтлар;
• очучы-сынаучылар составы.