«Тимер» батальоны сугышчыларының күбесе Президент сайлауда тавыш бирәчәк

«Тимер» батальоны командирының хәрби-сәяси эш буенча урынбасары Россия президентлыгына кандидатлар күрсәтелгән мәгълүмати стенд күрсәтте. Видеоязма батальонның телеграм-каналында чыкты.

Уокер кушаматлы командир урынбасары ил сакчыларының сайлауга нинди кәеф белән баруы хакында сөйләде. Билгеләп үтелгәнчә, хәрбиләр дәүләт башлыгы вазифасына кандидатларның барысыннан да хәбәрдар.

Уокер хәбәр иткәнчә, хәрбиләрнең күбесе РФ Президентын сайлауда кем өчен тавыш бирәчәген белә инде.