Төнге салкыннардан соң Татарстанда көндез 12 градуска кадәр җылылык көтелә

Бүген, 13 майда, Татарстанда салкын, әмма коры һава торышы фаразлана. Бу хакта ТР Гидрометеоүзәге хәбәр итә, дип яза «Татар-информ».

Республика территориясендә аязучан болытлы һава, явым-төшемнәр көтелми, дип хәбәр итә метеорологлар.

Җил төньяк-көнбатыштан һәм төньяктан исәчәк, аның тизлеге секундына 6-11 метр, урыны белән 15-16 метрга җитәчәк.

Төнге салкыннан соң көндезге сәгатьләрдә һава температурасы +7.. +12 градуска кадәр җылыначак.