ТР Дәүләт Советы депутаты Людмила Рыбакова Алабуга медикларын котлады

Кичә ТР Дәүләт Советы депутаты Людмила Рыбакова Алабуга район үзәк хастаханәсенең кабул итү бүлмәсендә хатын-кызларны Халыкара хатын-кызлар көне белән котлады. 

"Һава торышы нинди булуга карамастан, күңелегездә җылы, кояшлы хатирәләр калсын. Сезгә нык сәламәтлек телим. Рәхмәт сезгә, табибларга рәхмәт, — дип мөрәҗәгать итте ул медицина хезмәткәрләренә.

Шулай ук Людмила Рыбакова табибларга күбрәк шатлыклы мизгелләр булып торуын теләде.

Котлаудан соң, ТР Дәүләт Советы депутаты язгы чәчәкләр — лалә чәчәкләре һәм ике зур торт тапшырды.