ТР Икътисад министрлыгы эшмәкәрләр өчен ярдәм чаралары буенча белешмәлек чыгарды

Татарстан эшмәкәрләре Covid-19 таралу шартларында кече һәм урта эшмәкәрлек субъектларына ярдәм итүгә юнәлдерелгән федераль һәм республика чаралары исемлегендә тиз арада ориентлаша алачак. Аларның уңайлылыгы өчен Татарстан Икътисад министрлыгы бөтен актуаль мәгълүматны үз эченә алган белешмәлек чыгарды. Бу хакта "Татар-информ" мәгълүмат агентлыгы хәбәр итә. Документта чаралар алучылар, ярдәм алу механизмнары турында мәгълүмат, барлык норматив-хокукый актларга һәм карарларга сылтамалар бар. Документ даими рәвештә актуальләштерелә һәм тулыландырыла.