ТР Премьер-министры урынбасары илнең Төп законына төзәтмәләр буенча тавыш бирүдә катнашты

Татарстан Премьер-министры урынбасары Роман Шәйхетдинов РФ Конституциясенә төзәтмәләр буенча тавыш бирде. Ул Иннополис үсешенә кураторлык итә. 
Ул безнең илнең мәгълүмати-технологик үсешенә кагылышлы төзәтмәләрнең мөһимлеген билгеләп үтте. Аның фикеренчә, әлеге төзәтмә цифрлы җәмгыятьтә куркынычсызлыкны тәэмин итәчәк, цифрлаштыру үсешенә этәргеч булачак. 
Шулай ук Роман Шәйхетдинов никах институтын үстерү, социаль гарантияләр турындагы төзәтмәләрне актуаль дип атады.