ТР Президенты Алабуга Мәдәният сарае директорын мактаулы исем бирелү белән котлады

Татарстан Республикасы Президенты Рөстәм Миңнеханов «Татарстан Республикасының атказанган мәдәният хезмәткәре» дигән мактаулы исем бирелү белән шәһәр Мәдәният сарае директоры Елена Морозованы котлады.
Республика башлыгы Елена Олег кызын узган шимбәдә Лаеш районының Никольское авылында узган «Каравон-2021» XXIX халык бәйрәме кысаларында тәбрикләде.
«Каравон-2021» бәйрәмендә шәһәр Мәдәният сараеның ике коллективы — «Красная гвоздика» ветераннар халык хоры һәм «Забавушка» рус җырының халык фольклор ансамбле катнашты.