ТР Президенты Татарстан шәһәрләрен комплекслы үстерү буенча план төзергә кушты

Татарстан Хөкүмәтенә, муниципаль берәмлекләр советы белән берлектә, территориаль планлаштыруның бердәм һәм агломерация документларын әзерләүне тәэмин итәргә, шулай ук территорияне комплекслы үстерү белән идарә итүнең нәтиҗәле механизмын эшләргә кирәк.
Татарстан Президенты Рөстәм Миңнеханов ТР Дәүләт Советына еллык Юлламасында билгеләп үткәнчә, «Кайда яшим, шунда эшлим» принцибы буенча яңа эш урыннары барлыкка киләчәк, шул исәптән сәнәгать мәйданчыклары оештыру да. Комплекслы үсеш буенча мондый бурыч кече шәһәрләргә һәм авыл җирлекләренә кагыла.
Татарстан үз алдына «Торак һәм шәһәр мохите» илкүләм проектын гамәлгә ашыру бурычын куя. Шуңа бәйле рәвештә, эш комплекслы рәвештә башкарылырга тиеш: торак төзелешеннән тыш, башка мөһим объектлар да төзелергә тиеш.