ТР вице-премьеры Ләйлә Фазлыева «Здоровье просто» проектының беренче кунагы булачак

«Здоровье просто» онлайн-проекты үз эшен бүген башлап җибәрә. Проектның инициаторлары ТР Сәламәтлек саклау министрлыгы һәм КГМУ. 
Һәр эфир аерым бер темага багышлана. Эфир барышында татарстанлылар сәламәтлек саклау өлкәсе белгечләре белән шул темага аралаша алачак. Моннан тыш, проектта блогерлар, танылган шәхесләр катнашуы көтелә. 
«Здоровье просто» проектының беренче эфиры бүген 18.00дә үтә. Әңгәмә темасы — «Күкрәк сөте приоритетта» дип атала. Эфирда ТР Премьер-министры урынбасары Ләйлә Фазлыева һәм медицина фәннәре кандидаты, ТР сәламәтлек саклау министрлыгының штаттан тыш баш неонатологы, Казанның ГАУЗ «ГКБ7» неонатология буенча баш белгече һәм Россия сәламәтлек саклау министрлыгының ФГБОУ ВО «Казанский ГМУ» госпиталь педиатрия кафедрасы асситенты Анна Бабинцева катнаша.