ТР Үзәк сайлау комиссиясе төзәтмәләр буенча тавыш бирү вакытында хокук бозуларга карата 11 шикаятьне тикшергән

Илнең Төп законына төзәтмәләр буенча тавыш бирү башланганнан соң, ТР да хокук бозулар турында унбер шикаять тикшерелгән.
ТР Үзәк сайлау комиссиясе башлыгы Андрей Кондратьев сөйләвенчә, тикшерүнең җайга салынган механизмы бар. Тикшерү барышында барлык хәбәрләрдән бары тик бер генә хокук бозу очрагы расланган. Ачыкланган җитешсезлекләрне сайлау комиссиясе әгъзалары оператив рәвештә бетергәннәр.
Андрей Кондратьев билгеләп үткәнчә, хәбәрләрнең күбесе фейклар белән бәйле. Теләсә кайсы очракта да һәр мөрәҗәгать һәм шикаять күзәтелеп бара һәм тикшерелә.