ТРның Минзәлә районында шәхси йортта шартлау булган

Татарстанның Минзәлә муниципаль районының Хуҗәмәт авылында ике фатирлы шәхси йортта шартлау булды.

«Газпром трансгаз Казан» матбугат хезмәтендә «Татар-информ»га хәбәр итүләренчә, гадәттән тыш хәл турында хәбәр кичә 21:50 сәгатьтә килгән. Зыян күрүчеләр юк.

Булган хәлнең сәбәбе газ яки башка берәр нәрсә булырга мөмкин, белгечләр сәбәпне ачыклау белән мәшгуль. Билгеле булганча, йортта газ җиһазларын соңгы тикшерү 2025 елның 2 сентябрендә үткәрелгән.