Түбән Камада «Ысыах» милли якут бәйрәмен үткәрү датасы билгеләнде

Киләсе елда Түбән Кама «Ысыах» милли якут бәйрәмен кабул итәчәк — чара 13 июньдә узачак. Карар Түбән Кама районы башлыгы Радмир Беляевның Саха (Якутия) Республикасы башлыгы Айсен Николаев белән эшлекле очрашуы вакытында расланды.

Очрашуда бәйрәмгә әзерлек нечкәлекләре, шулай ук хезмәттәшлекнең яңа юнәлешләре турында фикер алыштылар. Радмир Беляев билгеләп үткәнчә, Түбән Кама Якутск белән мәгариф һәм мәдәният өлкәсендә тәҗрибә уртаклашу, төзекләндерү һәм мастер-планлаштыру проектларын гамәлгә ашыру, туристлык инициативаларын үстерү белән кызыксына. Коммуналь хезмәтләрнең системалы эшенә аерым игътибар бирелә, шул исәптән авария хәлләрен бетерүгә дә.

Район башлыгы ассызыклаганча, Түбән Кама белән Якутск арасындагы элемтәләр күптән инде кардәшләрнең формаль статусыннан реаль уртак эшкә күчкән. Гамәлдәге юл картасында — җиде юнәлеш буенча 31 чара.

«Ышанам ки, бу хезмәттәшлек ике як өчен дә файдалы булачак», — дип билгеләде Радмир Беляев.