Туберкулезлы алабугалыны мәҗбүри рәвештә хастаханәгә салганнар

Алабуга районы бүлекчәсе суд приставлары туберкулезны дәвалаудан качып йөргән җирле кешене мәҗбүри рәвештә хастаханәгә китергәннәр. Ир-ат озак вакыт госпитализация турындагы суд карарын игътибарсыз калдырган, әйләнә-тирәдәгеләр өчен куркыныч тудырган, дип хәбәр итә Россия Суд приставларының Татарстан Республикасы буенча Федераль хезмәтенең Баш идарәсе.

Башкарма производство гражданин Алабуганың туберкулезга каршы диспансерына ирекле рәвештә госпитализацияләүдән баш тартканнан соң кузгатылган. Шул исәптән «Госуслуги» аша да җибәрелгән кисәтүләргә карамастан, ул дәваланудан качып йөрүен дәвам итә.

Суд таләпләрен бозган өчен ир-атка карата башкарма сбор язылган, шулай ук РФ КоАПның 17.15 маддәсе буенча административ беркетмә төзелгән. Аны тоткарлау өчен приставлар иртән иртүк аның белән бергә яшәүче хатын адресы буенча килә, шунда аны мәҗбүри рәвештә хастаханәгә алып китәләр. Медицина учреждениесенә алып бару ашыгыч ярдәм катнашында башкарылган.

Мәҗбүри рәвештә хастаханәгә салу куркыныч авыруның таралуын булдырмауга һәм гражданнарның сәламәтлеген саклауга юнәлдерелгән.