Төзүчеләр урамы буенча урнашкан юл участокларын салкын асфальт белән каплаячаклар

Быел Төзүчеләр урамында канализация челтәрләрен заманчаларына алыштыру буенча күләмле эш башланды. 
Шуның белән бәйле рәвештә, юлларның бер өлеше казылып бетте. Шәһәр хуҗалыгы киңәшмәсендә әйтүләренчә, хәзерге вакытта эш башкарылган урыннарда юлларга вак таш салынган, аларны салкын асфальт белән каплаячаклар. Әйтергә кирәк, бу чара вакытлыча гына. Язын юлның әлеге өлешләре асфальтланачак.