Урманнарның янгын куркынычы зур булу сәбәпле, Татарстанда кисәтү игълан ителде

Бүген Татарстан Гидрометеорология һәм әйләнә-тирә мохитне күзәтү үзәге идарәсеннән урманнарда янгын куркынычы югары булуы турында шторм кисәтүе килде. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр, дип яза «Татар-информ».

2024 елның 28 апреленнән 2 маена кадәр Татарстан территориясендә урыны белән урманнарда янгын куркынычы (4 класслы) зур булуы көтелә.