Узган атнада Алабуганың ашыгыч ярдәм бригадалары 462 тапкыр юлга чыккан

Узган атнада, 24 марттан 30 мартка кадәр, Алабуга үзәк район хастаханәсенең ашыгыч ярдәм бригадалары кешеләрнең тормышын саклап калу өчен, 462 тапкыр юлга чыккан, шул исәптән, 84 тапкыр алар балалар янына ашыккан.

Миокард инфаркты белән кабул итү бүлегенә 1 кеше китерелгән, 9 кешене инсульт белән хастаханәгә салганнар. 39 пациент көнкүрештә һәм урамда төрле җәрәхәтләр алган.

82 кеше, шул исәптән 48 бала, респиратор авырулардан зарланган. 

3 юл-трансопорт һәлакәте теркәлгән, аларда 4 кеше зыян күргән.

Шулай ук узган атнада хайван тешләвенең бер очрагы теркәлгән.

Ашыгыч ярдәм бригадаларын узган атнада 32 тапкыр бер сәбәпсез чакырганнар.