Узган атнада Алабуганың ашыгыч ярдәм бригадалары 609 тапкыр юлга чыккан

Узган атнада, 4 декабрьдән 11 декабрьгә кадәр, Алабуга үзәк район хастаханәсенең ашыгыч ярдәм бригадалары кешеләрнең тормышын саклап калу өчен, 609 тапкыр юлга чыккан, шул исәптән, 197 тапкыр алар балалар янына ашыккан.

Миокард инфаркты белән кабул итү бүлегенә 5 кеше китерелгән, 3 кешене инсульт белән хастаханәгә салганнар. 232 кеше, шул исәптән 148 бала, респиратор авырулардан зарланган.

Ашыгыч ярдәм бригадаларын узган атнада 31 тапкыр бер сәбәпсез чакырганнар.