Вильфанд 2025 елның җәендә аномаль эсселек турындагы фаразларның нигезсез булуын әйтте

Фаразлар ихтимал гына булырга мөмкин, һәм аларның һәркайсы яңа мәгълүматларга бәйле рәвештә төзәтелә.

Россия Гидрометеорология үзәгенең фәнни җитәкчесе Роман Вильфанд 2025 елның җәе аномаль эссе булачак дигән хәбәрләрне кире какты. Аның сүзләрен РИА Новости китерә.

«Москва-24» эфирында Вильфанд билгеләп үткәнчә, метеорологиядә һава торышын өч айга алдан төгәл фаразларга мөмкинлек бирә торган ысуллар юк. Аның сүзләренчә, фаразлар ихтимал гына булырга мөмкин, һәм аларның һәркайсы яңа мәгълүматларга бәйле рәвештә төзәтелә.

Вильфанд ассызыклаганча, гидрометеорологик процессларны тасвирлый торган тигезләмәләрне чишү төгәл нәтиҗәләр бирми. Моның урынына белгечләр иң ихтимал сценарийны формалаштыра ала, ул һәр биш-ун көн саен төгәлләштерелә.