Владимир Путин 24 мартта илдә матәм көне игълан итте

Мәскәү өлкәсендәге «Крокус Сити Холл» да теракт белән бәйле рәвештә, Россиядә 24 март матәм көне дип игълан ителде. Бу хакта үзенең мөрәҗәгате вакытында Президент Владимир Путин әйтте, дип хәбәр итә «Татар-информ».

Мәскәү өлкәсендәге концерт залына һөҗүм кичә кич ясалды. 110нан артык кеше фаҗига корбаны булды. Татарстан Республикасы Рәисе Рөстәм Миңнеханов һәм республика Дәүләт Советы Рәисе Фәрит Мөхәммәтшин һәлак булучылар туганнары һәм якыннарының кайгысын уртаклашты. Бу хәл Россия Президенты Владимир Путин контролендә.