Владимир Путин: Конституциягә төзәтмәләр буенча тавыш бирү көнен кичектерергә кирәк

Конституциягә төзәтмәләр буенча Бөтенроссия тавыш бирү яңа типтагы коронавирус инфекциясе таралуны профилактикалау өчен күчерелде. Бу хакта Россия Президенты Владимир Путин белдерде. Бу хакта “Татар-информ” мәгълүмат агентлыгы хәбәр итә.

“Тавыш бирүне соңрак вакытка күчерергә кирәк дип саныйм”, – дип билгеләп үтте Владимир Путин.

Илнең төп документына берничә төзәтмә кертү планлаштырыла. Үзгәрешләр балаларны һәм гаилә кыйммәтләрен яклау, социаль гарантияләр, һәркем куллана алырлык һәм сыйфатлы медицина мәсьәләләренә кагыла.