Яр Чаллы хастаханәсендә коронавирус инфекциясеннән алабугалы вафат булган

Яр Чаллы хастаханәсендә коронавирус инфекциясеннән алабугалы вафат булган. 1953 елгы ир-атның 30 апрельдә Чаллы хастаханәсендә йөрәге тибүдән туктаган. Бу хакта ТР буенча COVID-19га каршы көрәш штабы хәбәр итә.

21 апрельдән пациент Чаллының 2нче шәһәр хастаханәсе стационарында дәваланган, 25 апрельдә аны үпкәләрне ясалма җилләтү – ИВЛ-аппаратына тоташтырганнар.

Яңа төрдәге Covid-19 коронавирус инфекциясе һәм авыр формадагы ике яклы вирус пневмониясе пациентның үлеменә китергән. Аның шулай ук хроник авырулары да булган, диагноз экспертиза үткәрү нәтиҗәсендә расланган.