"Ышаныч" үзәгендә – Һиндстан көне

Алабуга районының "Ышаныч" социаль хезмәт күрсәтү үзәгендә, мәдәният елы кысаларында, Һиндстан көне уздырылды. Көн дәвамында ял итүчеләр Һиндстан мәдәнияте, һинд халкының гореф-гадәтләре, биюләре белән танышты, һинд хатын-кызларының милли киеме - сари урарга, тылсымлы мандала бәйләргә өйрәнде. Нәтиҗәдә, әлеге чаралар өлкәннәрнең психоэмоциналь халәтен яхшыртты, эчке комплексларын җиңәргә ярдәм итте.