35 яшьлек хатын-кыз бер алабугалы исеменә микро-займ рәсмиләштергән

Узган атнада Алабугада 3 караклык очрагы булган. Беренчесендә билгесез берәү 61 яшьлек алабугалы сараеннан милек урлаган. Икенче очракта карак Нефтьчеләр проспектындагы бер кибеттә 79 яшьлек ханымның сумкасын урлаган. Килгән зыян күләме — 3 мең сум. Өченче очракта 45 яшьлек хатынның кәрәзле телефонын урлаганнар.

Моннан тыш, 1 алдакчылык очрагы күзәтелгән. Билгесез берәү, интернет аша, 45 яшьлек алабугалы исеменә 10 мең сумлык микро-займ рәсмиләштергән. Әлеге җинаять кылуда моңа кадәр хөкем ителгәне булган 35 яшьлек алабугалы хатын кулга алынган.