Алабуга автоинспекторлары кичке рейд турында кисәтә

Бүген кичке якта Алабуга шоферларын рейд көтә. Тикшерү Нефтьчеләр проспекты, 57 адресы буенча 18.30 сәгатьтән 22.00 сәгатькә кадәр барачак. 

ЮХИДИ матбугат хезмәтендә сөйләүләренчә, чараның максаты — транспорт чаралары белән исерек килеш идарә итү белән бәйле хокук бозуларны кисәтү. 

Узган елның 12 ае нәтиҗәләре буенча әлеге территориядә исерек шоферлар катнашында юл-транспорт һәлакәтләре саны арткан.