Алабуга Дәүләт автоинспекциясе башлыгы машина йөртүчеләрне һава торышы начар булу сәбәпле ерак юлга чыгудан баш тартырга чакырды

Татарстанда һава шартларының сизелерлек начараюы сәбәпле, Россия Эчке эшләр министрлыгының Алабуга районы буенча ЮХИДИ идарәсе башлыгы полиция майоры Тимур Галимуллин юл хәрәкәтендә катнашучыларга мөрәҗәгать итте. Көчле кар явуы юлда катлаулы шартлар тудыра, аварияләр куркынычы арта.

Район Дәүләт автоинспекциясе хезмәткәрләре көчәйтелгән эш режимына күчерелгән. Юл-патруль хезмәте экипажлары машина йөртүчеләрнең тизлек режимын, куркынычсыз дистанцияне һәм узып китү кагыйдәләрен үтәүгә аерым игътибар бирә.

Трассаларның аерым участокларында юл хәрәкәте иминлеген тәэмин итү максатларында аерым транспорт төрләре өчен хәрәкәтне вакытлыча чикләү кертелергә мөмкин. Дәүләт автоинспекциясе машина йөртүчеләргә катгый рәвештә киңәш итә:

Шәхси автомобильдә йөрүдән мөмкин булганча баш тартырга.

Кискен сәбәпләрсез, торак пунктлардан читкә чыкмаска.

Юлда хәрәкәт иткәндә игътибарлы булырга, юл шартларына туры килгән тизлекне сайларга һәм дистанцияне төгәл үтәргә.