Алабуга инспекторлары иртәнге рейд вакытында 61 транспорт чарасын тикшерде

8 февральдә Алабуга дәүләт автоинспекторлары Алабуга-Гари-Абалач автоюлының 6 чакрымында рейд үткәрделәр. Рейд вакытында хезмәткәрләр 61 транспорт чарасын тикшерде.

Юл хәрәкәте кагыйдәләрен бозган өчен 18 административ материал төзелде. Шуларның 5се-автобус йөртүчеләргә карата. 

Тикшерү вакытында бер шоферның исереклек билгеләре булуы ачыкланган. Аның транспорт чарасы махсус стоянкага урнаштырылган.

Сигез машина йөртүчегә — транспортның техник төзексезлеге өчен, икесенә — машина номерларын укып булмаган өчен, алты шоферга — тонировка һәм страховка, бер йөртүчегә куркынычсызлык каешын эләктермәгән өчен беркетмә төзелгән.