Алабуга районында рейд барышында юл кагыйдәләрен бозуның 14 очрагы ачыкланган

Алабуга районында ЮХИДИ хезмәткәрләренең профилактик рейды узды. 18 декабрь иртәсендә инспекторлар Алабуга-Гари-Абалач автомобиль юлының 6нчы чакрымында тикшерү үткәрделәр.

Чара барышында юл хәрәкәте кагыйдәләрен бозуның 14 очрагы ачыкланган. 

Иң киң таралган бозулар:

• машина йөртүчеләрнең куркынычсызлык каешы булмау — 5 очрак;
• төзексез транспорт чаралары белән идарә итү — 5 очрак (автобусларда ачыкланган);
• алгы пыялаларны рөхсәт ителгәннән артык тонировкалау — 4 очрак.

Дәүләт автоинспекциясе мондый хокук бозулар юл хәрәкәте иминлегенә турыдан-туры йогынты ясавын искә төшерә. Куркынычсызлык каешын эләктермәгән һәм төзек булмаган тормоз системалары юл-транспорт һәлакәте нәтиҗәләренең авырлыгын күп тапкырлар арттыра, ә тонировкаланган пыялалар тәүлекнең караңгы вакытында һәм катлаулы һава шартларында машина йөртүченең күз күремен начарайта.