Алабугада 122 шофер иминлек каешын эләктермәгән өчен җавап бирәчәк

31 октябрьдән 9 ноябрьгә кадәр Татарстанда «Куркынычсызлык каешы» дигән профилактик рейд үткәрелде. Инспекторлар куркынычсызлык каешын эләктермәгән пассажирлар һәм машина йөртүчеләрне тикшерде. Тикшерү рейдлары Алабугада да үткәрелде. 

Алабугада 10 көн эчендә 123 хокук бозучы ачыкланган, дип хәбәр итәләр җирле ЮХИДИ бүлекчәсендә. Шуларның берсе — пассажир, калганнары машина йөртүчеләр. Барысына да административ беркетмәләр төзелде.