Алабугада атна эчендә 5 исерек йөртүчене тоткарлаганнар

Узган атнада килеп чыккан юл-транспорт вакыйгаларының саны — 25, аларда 3 кеше зыян күргән.

Атна эчендә 482 кеше административ җаваплылыкка тартылган. Шуларның 5се — урамда һәм җәмәгать урыннарында спиртлы эчемлекләр кулланган, 12 кеше административ күзәтчелек таләпләрен бозган.

Административ штрафын вакытында түләмәүче 6 кеше шулай ук җаваплылыкка тартылган. 

Административ җаваплылыкка тартылучылар арасында 323 машина йөртүче бар, алар юл хәрәкәте кагыйдәләрен бозган, шуларның 5е автотранспорт белән идарә иткәндә аек булмаулары аркасында тоткарланган.