Алабугада бәйрәм көннәрендә 44 юл транспорт һәлакәте булган

1 гыйнвардан 8 гыйнварга кадәр Алабуга районында 44 юл-транспорт һәлакәте булган. Аларда 5 кеше зыян күргән. Зыян күрүчеләр арасында балигъ булмаганнар юк.

Шулай ук бәйрәм көннәрендә дәүләт автоинспекторлары алкоголь исереклеге билгеләре булган 7 шоферны ачыклаган. Машина йөртү таныклыгыннан башка йөргән 4 хокук бозучы тоткарланган, дип хәбәр иттеләр җирле Дәүләт автоинспекциясендә.