Алабугада иртәнге рейд барышында 14 хокук бозу очрагы ачыкланган

Алабуга дәүләт автоинспекторлары «Алабуга» махсус икътисадый зонасы янында массакүләм рейд үткәрде. 

Җирле автоинспекция матбугат хезмәте мәгълүматлары буенча барлыгы 14 хокук бозу очрагы ачыкланган. Бер машина махсус тукталышка урнаштырылган. Машина йөртүче йөртү хокукыннан мәхрүм ителгән. Калган бозулар куркынычсызлык каешлары, укылмый торган дәүләт номерлары, страховка һәм машина йөртү таныклыгы булмау белән бәйле.