Алабугада исерек килеш машина йөрткән ир тоткарланган

Кичә Алабугада руль артына исерек килеш утырган шофер тоткарланган. 21 яшьлек алабугалыны Горький урамында ЮХИДИ хезмәткәрләре туктата.

Полиция хезмәткәрләре ир-атның исереклек билгеләре булуын ачыклый, өстәвенә, ул машина йөртү хокукыннан мәхрүм ителгән дә була. Хокук бозучы медицина тикшерүеннән баш тарта.

Аңа карата РФнең административ хокук бозу кодексының 12.26 маддәсенең 2нче бүлеге буенча административ беркетмә төзелә.