Алабугада «Куркынычсызлык каешы» операциясе башланды

31 октябрьдән 9 ноябрьгә кадәр Алабугада «Куркынычсызлык каешы» профилактик операциясе бара. Бу көннәрдә инспекторлар рейдлар үткәрәчәк, хокук бозучыларны ачыклаячак. Алабуга районында ачыкланган хокук бозулар саны турында өстәмә рәвештә хәбәр итәчәкбез. 

Россия Эчке эшләр министрлыгының Алабуга районы буенча ЮХИДИ бүлеге җитәкчесе Руслан Харисов сүзләренчә, статистика нигезендә, куркынычсызлык каешларын куллану 100 очракның 75ендә үлем очракларын булдырмый кала. Шуңа күрә ул юл хәрәкәте кагыйдәләрен тайпылышсыз үтәү зарурлыгын тагын бер кат искә төшерә һәм юл хәрәкәтендә катнашучыларны бик игътибарлы һәм сак булырга һәм куркынычсызлык каешлары турында онытмаска өнди.