Алабугада рейд барышында 30 административ беркетмә төзелгән

Бүген иртән Алабуга дәүләт автоинспекторлары массакүләм рейд үткәрде. Тикшерү Алабуга-Гари-Абалач автоюлының 6нчы километрында узды. Хокук сакчылары барлыгы 71 транспорт чарасын тикшерде. Юл хәрәкәте кагыйдәләрен бозган өчен 30 административ беркетмә төзелде. 

Ун транспорт чарасында техник җитешсезлек ачыкланды, шуларның бишесе — автобусларда. Тонировка кагыйдәләрен бозган өчен — 7,страховка өчен — 5, укып булмый торган дәүләт номерлары өчен — 1, теркәү кагыйдәләрен бозган өчен бер беркетмә төзелде. Алты кешегә битлек режимын бозган өчен җавап бирергә туры киләчәк.