Алабугада рейд вакытында бер исерек машина йөртүче тоткарланган

Бүген иртән Алабуга-Гари-Абалач юлында иртәнге рейд узды. Тикшерү барышында 37 хокук бозу ачыкланган, шуларның 12се — автобус йөртүчеләр. 

Шулай итеп, рейд барышында дәүләт автоинспекторлары түбәндәге хокук бозуларны ачыклаган: 13 транспорт чарасының техник җитешсезлеге ачыкланган, куркынычсызлык каешы — 2, тонировка — 3, укылмый торган номер — 5, страховка — 8, документсыз — 2. 

Бер машина йөртүченең руль артына исерек килеш утыруы ачыкланган. Аның машинасы эвакуацияләнгән һәм махсус стоянкага урнаштырылган. 

Барлык кагыйдә бозучыларга да беркетмәләр төзелде, дип хәбәр итәләр Алабуга ЮХИДИ бүлегендә.