Алабугалы подъездда тавышланган өчен штраф түләячәк

Татарстан Республикасы Алабуга шәһәр суды РФ АХК 20.1 ст.1 ө. (вак хулиганлык) буенча административ хокук бозу турындагы эшне карады.

28 яшьлек алабугалы, йорт подъездларының берсендә исерек хәлдә җәмәгать тәртибен бозган, тавышланган һәм сүгенгән, кисәтүләрне тыңламаган.

Суд утырышында ул үзенең хокук бозуда гаепле булуын таныды, исерек хәлдә булуын аңлатты.

Суд карары белән аңа 700 сум күләмендә административ штраф билгеләнде.