Ел башыннан Алабугада штраф түләмәүче 120 шофер ачыкланган

Алабугада дәүләт автоинспекторлары штрафларны вакытында түләмәүче машина йөртүчеләрне ачыклау буенча рейдлар үткәрә. Бу хакта җирле Дәүләт автоинспекциясендә хәбәр иттеләр.

Ел башыннан РФ Административ хокук бозулар кодексының 20.25 маддәсе буенча 120 административ протокол төзелгән. Өч түләмәүчегә карата суд 2-3 тәүлеккә кулга алу турында карар чыгара, калганнарга икеләтә күләмдә штраф һәм мәҗбүри эшләр билгеләнә.