Мошенниклар Алабуга пенсионерының 2,1 миллион сум акчасын урлаган

Алабугада яшәүче 74 яшьлек хатын-кыз 2025 елның 7-8 июлендә телефон аферистлары корбаны булган. Җинаятьчеләр, үзләрен поликлиника хезмәткәрләре дип таныштырып, хатын-кызны «поликлиника картасын электрон рәвешкә күчерергә» кирәклегенә ышандыра һәм аңардан СНИЛС номерын һәм телефоннан раслау кодларын алдап ала.

Дәүләт хезмәтләре аккаунтына керү мөмкинлеге алгач, җинаятьчеләр пенсионерга аның акчаларын урларга мөмкиннәр, дип хәбәр итә һәм акчаларны «куркынычсыз счетка» күчерүне таләп итәләр. Нәтиҗәдә хатын-кыз 2,1 миллион сумнан артык акча югалткан.

Мошенниклык факты буенча җинаять эше кузгатылган. Тикшерүне Алабуга шәһәр прокуратурасы контрольдә тота.

Хокук саклау органнары хезмәткәрләре исегезгә төшерә: беркайчан да чит кешеләргә шәхси мәгълүматларны һәм смс-кодларны хәбәр итмәгез, исегездә тотыгыз: «куркынычсыз счетлар» юк. Шикле шалтыратулар булганда кичекмәстән трубканы куярга һәм полициягә мөрәҗәгать итәргә кирәк.