Удмуртия кешесе Алабугада автомобиль йөртү хокукыннан мәхрүм калган

Юл хәрәкәте куркынычсызлыгы буенча муниципаль комиссия хәбәре буенча, 3 февральдә, сәгать 4 тулып 10 минут киткәч, Әйләнеч шоссе урамында ЮХИДИ хезмәткәрләре алкоголь эчкән килеш руль артына утырган кешене тоткарлаган.

Тоткарланучы судта аңлатканча, ул Алабугага кунакка килгән. Үзенең аек булмаганлыгын раслаган. Нәтиҗәдә, ул 1 ел һәм 7 айга машина йөртү хокукыннан мәхрүм ителгән, 30 мең сум күләмендә административ штраф та түләргә тиеш.

Алабуга судында каралган эшләрнең бу әле берсе генә. Әлеге административ хокук бозучы Удмуртия кешесенә яңа эш эзләргә кирәк булыр, ахрысы, чөнки ул моңа кадәр машина йөрткән.