Алабугада Мәңгелек ут һәм Герой бюстларына чәчәкләр салдылар

Бүген Алабуга Җиңү көнен бәйрәм итә. Бөек Җиңүнең 78 еллыгы уңаеннан тантаналы чаралар чәчәкләр салудан башланды. Рөстәм Нуриев һәм Татарстан юстиция министры Рөстәм Заһидуллин тыл хезмәтчәннәре стелласына чәчәкләр салды. 

Шулай ук район башлыгы Украинадагы махсус хәрби операциядә һәм төрле хәрби конфликтларда катнашкан Алабуга сугышчыларын сәламләде. 

Шулай ук Геройлар бюстларына һәм Мәңгелек утка чәчәкләр салынды. Тантанада Алабуга районы башлыгы Рөстәм Нуриев, ветераннар һәм хөрмәтле кунаклар катнашты.

Мәңгелек уттан алып стадион трибунасына кадәр Рөстәм Нуриев кулында әтисенең олы абыйсы, сугыш елларында хәбәрсез югалган 21 яшьлек Мисбах Нуриевның портретын күтәреп барды.