Бер ел эчендә Татарстанда 5 мең гектардан артык яңа урман барлыкка килде
Татарстанда урман фондын торгызу һәм арттыру буенча масштаблы эшкә йомгак ясалды.
2025 елда урманнарны торгызу буенча чаралар 5,3 мең гектар мәйданны били.
Төп казанышлар:
«Экология» илкүләм проектының төп күрсәткече арттырып үтәлде: яңа урманнарның мәйданы киселгән һәм һәлак булган утыртмалар мәйданыннан артып китте.
Туфрак эрозиясенә каршы көрәшү өчен 902 гектар мәйданда саклау полосалары булдырылды.
Парник газлары чыгаруны компенсацияләү кысаларында 1,1 мең гектарда агачлар утыртылган.
2,5 мең гектардан артык яшь урман культуралары рәсми рәвештә урман фонды җирләре категориясенә күчерелде.
Республика урманнарының гомуми мәйданы 1,6 млн гектардан артык, ә урманлылык дәрәҗәсе 22,5% ка җитте. Эш «Урман хуҗалыгын үстерү» төбәк программасы кысаларында алып барыла һәм 2030 елга кадәр дәвам итәчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
Нет комментариев