Татарстанда 2025 елда 46,4 млрд сумлык илкүләм проектлар буенча 468 объект төзелгән һәм яңартылган

2025 елда Татарстанда илкүләм проектларны гамәлгә ашыру кысаларында 468 капиталь төзелеш объектын төзү, капиталь ремонтлау һәм модернизацияләү эшләре тәмамланган. Финанслауның гомуми күләме 46,4 млрд сум тәшкил итте.

Ел дәвамында республика 46 төбәк программасын үз эченә алган 12 илкүләм проектта катнашты. Гамәлгә ашырылган объектлар арасында: «Яшәү өчен инфраструктура» илкүләм проекты кысаларында 51 җәмәгать киңлеге һәм 47 коммуналь объект, «Дәвамлы һәм актив тормыш» проекты кысаларында 189 сәламәтлек саклау объекты, «Яшьләр һәм балалар» илкүләм проекты буенча 14 мәгариф учреждениесе, шулай ук Чаллыда 2 балалар бакчасы.

Шулай ук юл челтәренең 102 объекты төзелгән һәм ремонтланган, Казанда ләм кырлары рекультивацияләнгән, Мәләкәс елгасы үзәне чистартылган һәм Болгарда туристлык объектлары төзекләндерелгән. Моннан тыш, технологик лидерлык илкүләм проектлары кысаларында югары технологияле тармакларны үстерү өчен 6 млн сумнан артык федераль акча җәлеп ителгән.