Алабуга районы Лекарево авылы янында юл фаҗигасендә бер кеше һәлак булган

Кичә Алабугада үлем белән тәмамланган юл-транспорт һәлакәте булды. Авария Лекарево авылы янындагы трассада килеп чыга. Фаҗига турында җирле Дәүләт автоинспекциясендә сөйләделәр. 

Беренчел мәгълүматлар буенча, Лада Калина автомобиле йөртүчесе, сул полосадан уң полосага күчкәндә, Ягуар автомобиленә юл бирми, нәтиҗәдә машиналар бәрелешә.

Лада Калина автомобиле пассажиры — Танайка авылында яшәүче хатын-кыз юл-транспорт һәлакәтендә вафат була, машина шоферы һәм тагын бер пассажир — хастаханәдә.